காத்திருப்பு

ஒரு நாள்
நாம் இருவரும்
ஒருவருக்கொருவர்
இல்லாமல் ஆனோம்.
ஒரு முறை
பார்த்துக்கொள்வதற்குக் கூட
எதுவும் இல்லாமல் போனது.
கசப்பான நினைவுகளாய்
எஞ்சி இருப்பதைக் கூட
இருவரும் விரும்பவில்லை.
உயிர் பிரியும்
தருணம் போல
நம் உறவும்
முறிந்து போனது....
நெடு நாள் காத்திருந்த
அவரவர் பாதைகளில்
நாம் விலகிச்சென்றோம்.

பி.கு.: நாம் இருவரும் அதற்குப்பின் ஒருவரை ஒருவர் நினைதுக்கொள்ளகூட இல்லை.

தினசரி குறிப்பு

ஓட்டை சட்டி
ஒழுகும் தண்ணீர்
பேர் பாதி கவனம்
பாதை மீது....

பதிவுகள்

தோன்றி மறையும்
எந்த எண்ணத்தின்
ஆடிப்பிம்பம் நான் ?

கிரீச்...

கம்பி வலைப் பின்னலில்
மூக்குரசும் பறவை
கிரீச்சிடும் சுயம் தொலைத்த
ஏக்கத்தின் உச்சம்.

சட்டென்று...

முள்ளாய் உன் பிரிவு
என் நெஞ்சில்
சந்தோசம் , துக்கம்
என்று எல்லா நேரமும்
தன் இருப்பை ஸ்திரப்படுத்திகொண்டு....